Réxime competencial

Esta competencia vén determinada pola Lei Orgánica 6/1999, do 6 de abril, de transferencia de competencias á Comunidade Autónoma de Galicia, pola que se transfire á Comunidade Autónoma a competencia en materia de ordenación do crédito, banca e seguros.

Disposicións de desenvolvemento:

• Real Decreto 1748/1999, do 19 de novembro, sobre traspaso de funcións e servicios da Administración do Estado á Comunidade Autónoma de Galicia en materia de mediadores de seguros.
• Decreto 312/1999, do 16 de decembro, polo que se asumen funcións e servicios transferidos á Comunidade Autónoma de Galicia mediante o Real Decreto 1748/1999, do 19 de novembro, en materia de mediadores de seguros e se lle asignan á Consellería de Economía e Facenda.

Normativa

A regulación autonómica na materia concrétase nas seguintes normas:

• Decreto 298/2008, do 18 de decembro, polo que se regulan as competencias da Comunidade Autónoma de Galicia en materia mediación de seguros e reaseguros privados.
• Orde do 17 de marzo de 2009 pola que se regula o rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia.
• Orde do 10 de febreiro de 2009 sobre os libros-rexistro e o deber de información das/os mediadoras/es de seguros e reaseguros privados da Comunidade Autónoma Galicia.
• Resolución do 18 de abril de 2011, da Dirección Xeral de Política Financeira e Tesouro, pola que se aproban os modelos de información das/dos mediadores de seguros e reaseguros privados da Comunidade Autónoma de Galicia.
  

Dado o carácter en xeral básico da normativa estatal, rexen supletoriamente as seguintes disposicións:

• Lei 26/2006, do 17 de xullo, de mediación de seguros e reaseguros privados.
• Real Decreto 764/2010, do 11 de xuño, polo que se desenvolve a Lei 26/2006, do 17 de xullo, de mediación de seguros e reaseguros privados en materia de información estatístico-contable e do negocio, e de competencia profesional.
• Real Decreto 1490/2011, do 24 de outubro, polo que se modifica o Real Decreto 764/2010, do 11 de xuño, polo que se desenvolve a Lei 26/2006, do 17 de xullo, de mediación de seguros e reaseguros privados en materia de información estatístico-contable e do negocio, e de competencia profesional.
• Orde ECO/734/2004, do 11 de marzo, sobre os departamentos e servicios de atención ó cliente e o defensor do cliente das entidades financeiras.
• Resolución do 18 de febreiro de 2011, da Dirección Xeral de Seguros e Fondos de Pensións, pola que se establecen os requisitos e principios básicos dos programas de formación para os mediadores de seguros, corredores de reaseguros e demais persoas que participen directamente na mediación dos seguros e reaseguros privados.

Normativa europea:

• Directiva 2002/92/CE do Parlamento Europeo e do Consello do 9 de decembro de 2002 sobre a mediación nos seguros.

Procedementos administrativos

Inscrición no Rexistro administrativo de mediadores de seguros como corredor de seguros (persoa física), corredoría de seguros (persoa xurídica), axente de seguros vinculado (persoa física), sociedade de axencia de seguros vinculada (persoa xurídica) ou operador de banca-seguros vinculado.

Os interesados deberán cumprir cos requisitos establecidos na Lei 26/2006, do 17 de xullo, de mediación de seguros e reaseguros privados.

• Prazo máximo de resolución: 3 meses
• Silencio administrativo: positivo
• Modelo de solicitude e documentación que se debe achegar

Rexistros administrativos

Rexistro administrativo especial de mediadores de seguros, corredores de reaseguros e dos seus altos cargos.

Regúlase na  Orde do 17 de marzo de 2009 pola que se regula o rexistro administrativo especial de mediadores de seguros, corredores de reaseguros e dos seus altos cargos na Comunidade Autónoma de Galicia.

• Acceso ao Rexistro

Contacto

• Teléfono: 981 54 51 65
• Fax: 981 95 73 54
• Correo electrónico: mediadoresdeseguros@conselleriadefacenda.es