Funcións da Caixa Xeral de Depósitos

O Decreto 79/2007, do 19 de abril, polo que se establece a estrutura orgánica da Consellería de Economía e Facenda, establece que o obxecto e funcións da Caixa de Depósitos da C.A. de Galicia encontrase integrado pola instrumentación da constitución, custodia e devolución, ou chegado o caso, execución dos depósitos e garantías admitidos na mesma. Todo iso exclusivamente respeto daqueles depósitos e garantías nos que a C.A. resulte garantida ou ben aqueles outros nos que o garantido resulte ser un terceiro frente á Administración da C.A. Tamén se depositan todos aqueles depósitos e fianzas que por calquera motivo deban constituírse a favor ou a disposición dos Organismos Autónomos, Universidades Públicas, Entes Públicos e Empresas e Fundacións Públicas da C.A.

Oficinas, horarios e teléfonos

As oficinas da Caixa Xeral de Depósitos están situadas en:

Servizos Centrais:
Santiago de Compostela.  Edificio admvo. San Caetano, bloque 3, sótano. 15781.
Tfno: 981 545 120

Delegacións Territoriais da Consellería de Economía e Facenda en:
A Coruña. Praza de Pontevedra, 22-1º. 15003  .
Tfno: 981 184  445

Lugo.  Ronda da Muralla, 70. 27071.
Tfno. 982 294 029

Ourense.  Rúa Xoan XXXIII, 33. 32003.
Tfno. 988 687 210

Pontevedra. Rúa Michelena, 30. 36001.
Tfno. 986 805 704

Vigo. Rúa Concepción Arenal, 8. 36201.
Tfno 986 817 296

O horario é de 9 a 14 horas, de Luns a Venres. Os días 24 e 31 de decembro as oficinas estarán pechadas.

Modalidades de garantías

As modalidades das garantías existentes na actualidade son:

• Efectivo
• Avales prestados por entidades de crédito ou sociedades de garantía recíproca
• Seguros de caución outorgados por entidades aseguradoras
• Valores representados en anotacións en conta ou participacións en fondos de inversión, representadas por certificados nominativos

Requisitos para a Constitución de Depósitos e Garantías en Efectivo

Para a constitución dunha garantía ou depósito en efectivo, acudirán á Caixa Xeral de Depósitos, en Servizos Centrais da Consellería de Economía e Facenda, Edificio administrativo San Caetano, bloque 3 – soto, de Santiago de Compostela, ou nas Delegacións Territoriais da Consellería de Economía e Facenda.

Compre, que o que vaia a constituír a garantía ou depósito saiba, para poder cumprimentalos, os seguintes datos que han de figurar no resgardo:

• Nome ou razón social do constituinte ou grantido e NIF.
• Norma que impón a constitución da garantía ou depósito, finalidade para a cal se constitúe e autoridade a disposición da cal se constitúe
• O ingreso efectuarase na entidade que se indique pola Caixa Xeral de Depósitos.
• A Caixa Xeral de Depósitos entregará ao interesado o correspondente resgardo de constitución da garantía ou depósito.
• Para o ingreso do importe da garantía ou depósito pode aportar diñeiro de curso legal, ou ben cheque bancario ou talón conformado, nominativo a favor do "Tesouro da Comunidade Autónoma".
   

Requisitos para a Constitución doutras garantías

• Constituición de garantías mediante Aval ou Certificado de Seguro de Caución
  Acudirán á Caixa Xeral de Depósitos, en Servizos Centrais da Consellería de Economía e Facenda, Edificio administrativo San Caetano, bloque 3 – soto, de Santiago de Compostela, ou nas Delegacións Territoriais da Consellería de Economía e Facenda.
  
  Compre, que o que vaia a constituir a garantia ou depósito saiba, para poder cumprimentalos, os seguintes datos que han de figurar no resgardo:
  
  • Nome ou razón social do constituinte ou garantizado e NIF. (Se é a primeira vez que vai a constituír unha garantía debe acompañar copia do NIF).
  • Norma que impón a constitución da garantía ou depósito, finalidade para a se constitue e autoridade a disposición da cal se constitúe
  • Presentará o documento orixinal de aval ou certificado de seguro de caución, de acordo co modelo oficial.

A Caixa Xeral de Depósitos entregará ao interesado o correspondente resgardo de constitución da garantía.

• Constitución de garantías en Valores
  Dada a maior complexidade para a constitución deste tipo de garantías, é conveniente que quen teña interés en facelo, se poña en contacto coa oficina da Caixa de Depósitos na que teña previsto a súa constitución
   
• Cancelación de depósitos e garantías:
  Para que a Caixa de Depósitos poida tramitar a cancelación e posterior devolución dun depósito ou garantía cómpre que reciba previamente a orde de cancelación expedida pola autoridade a disposición da cal foi constituída, como norma xeral, estendida no reverso do resgardo de constitución.
  A orde de cancelación debe ser clara e preciso, e non suxeita a condicións.

• En efectivo:
  Por transferencia bancaria, en conta designada polo interesado.
   
• Outras garantías:
  Por comparecencia nas dependencias da Caixa Xeral de Depósitos, na que foi constituída a garantía, sempre co resgardo orixinal debidamente dilixenciado de cancelación e cos seguintes requisitos:

Para depósitos constituídos por persoas xurídicas:
DNI e escritura na que se acredite poder bastante para ese acto, de se-lo interesado.
Autorización por escrito do representante legal, acompañado de copia do DNI e escritura de poder bastante, a favor da persoa que se presente na Caixa de Depósitos, de non ser o interesado

Para depósitos constituídos por persoas físicas:
DNI ou documento equivalente.
De non ser o interesado, autorización acompañada de copia do DNI do interesado.