ULTREIA é unha revista de política rexional europea que naceu no ano 2009 e trata de informar e dar a coñecer os xestores de fondos, beneficiarios e público en xeral sobre temas de actualidade, opinións e proxectos relacionados cos Fondos comunitarios, ben sexa estruturais (FEDER-FSE) ou sectoriais (FEADER-FEP) e abranguendo aos Obxectivos europeos de Converxencia e de Cooperación Territorial.

Ten unha tirada cuadrimestral de 3.300 exemplares e unha ampla difusión dentro e fóra de Galicia. A súa edición e distribución contribúe ao cumprimento das medidas 11 e 8 dos Plans de Comunicación dos Programas Operativos FEDER e FSE Galicia 2007-2013, respectivamente.

A coordinación da revista é levada a cabo pola DX de Planificación e Fondos da Consellería de Facenda da Xunta de Galicia.